046 - 451 0050

Fischerpad 101 - Sittard

Gehlen ter aafsjoeting de bèste !!

Ter aafsjoeting de bèste,

Bie Ralph Pesgens en zien vruike Manon van de Päöt, die op de sjtasiewaeg in Zöstere, wone sjarrele ein sjtök of twinjtig krielkipkes in d’n haof. Elke daag lekker klein frisje eikes. Op zekere mörge meinde Manon det-ter “alweer ein eike minder es gister” woor. Det moos toch ein reje höbbe. Ze krege good en genòg voor; ze hawe ein prachtig hökske  veur es ’t raegende en veur   ’s jnachs in te sjlaope. Hie klopde get neet. Dus dao woorte de kipkes geteld; jao heuër, dao wore d’r nog mer vieftieën. Wo wore die angere gebleve? ’T Antjwoord koom ein paar daag later toen opa Ed zich zoa taege d’n aovend nog effe ein teske koffie koom drènke. Waat zuut hae dao op ’t gazon?; eine marter dae hieë trots mit zo’n kleine kipke in de bek euver ’t graas trippelde; zoa van: “wae duit mich get”. De volgende aovend ròndj ach oer zoot opa Ed in ein heukske van d’n haof te wachte en te loere of dae marter missjien eine vaste klantj woor. En jao heuër, dao koom de marter weer vrolik aangetrippeld, mer woort noe natuurlik door Ed de klitse opgejaag. Gaw ein plank veur ’t gaat gezet en nao bènne om te euverlègke wie ze dae vlaegel veur good kooste boete hawte. Ed zat zien gries celle in wirking:”Wie hawt ich die kipkes in laeve zònger dae prachtige marter te vermuibele”? Al vrie sjnel haw hae de oplossing gevònje; in euverlègk mit ziene vastelaovesvruntj Ger Gehlen haet hae ein volautomatisch rolloek-systeem bedach en oug laote aanlègke; ’s jmörges òm zes oer geit ’t loek òmhoag en ’s aoves òm zeve oer geit ’t weer toe: eder of later kump dae marter toch neet. De reclame-campagne veur dees oetvènjing zal ein dezer daag van sjtart gaon, en weer dèngke det deervruntjelik Nederland veroverd zal waere. De laezers van dees gezet höbbe in elk geval de primeur.

 

IMG_3288

 

↑ Scroll naar Top

Deze site maakt gebruik van cookies. Door op accepteren te klikken, gaat u akkoord met onze privacyverklaring. Meer info

De cookie-instellingen op deze website zijn ingesteld op 'toestaan cookies "om u de beste surfervaring mogelijk. Als u doorgaat met deze website te gebruiken zonder het wijzigen van uw cookie-instellingen of u klikt op "Accepteren" hieronder dan bent u akkoord met deze instellingen.

Sluiten